Durangoko Azoka fantasia hutsa da, sormenaren eztanda magikoa delako, euskal kulturaren jai ikaragarria delako eta amets egiteko espazio bizia delako. Aurtengo edizioan ere horrela izango da, abenduaren 6tik 10era bitartean. 265 ekitaldi egongo dira aukeran, eta 950 nobedade eskura.

– Aurten ez da online salmentarik egongo, azoka presentzialaren aldeko apustua egingo delako.

– Doako autobus zerbitzua martxan egongo da Iurretako autopista irteetako parkinetatik Landako inguruko Olleria kaleraino, 30 minuturo. Baina, abenduaren 10ean, domekaz, ez da erabilgarri egongo.

– Abenduaren 10ean 18:00etan itxiko dira Landakoko ateak, gainerako egunetan baino ordu bi lehenago. Hala ere, guneetako egitarauak martxan jarraituko du iluntzera arte.

– Durangoko Azoka itxi eta biharamunean, Zu Non Han DA! ekimena hasiko da. Azokako nobedadeak Euskal Herriko 88 dendatara helduko dira, eta horietatik 27tan liburu aurkezpenak egingo dituzte.

Programaren berri izan gura baduzu, sakatu hemen