Agenda

Nahi duguna da neska-mutilak izatea museora gonbidatzen dutenak. Hori dela-eta, BBK-ri esker, sustapen hau luzatu egin dugu. Adingabeek beti daukate sarrera dohainik. Orain, adingabeekin bertaratzen diren helduak ere dohainik sartu ahal izango dira (heldu bat adingabe bakoitzeko). Familian gozatzeko planik onena: istorioz betetako bilduma bat, haurrentzako audiogidekin, zinemarekin, tailerrekin eta abarrekin osa dezakezuna.

Euskararen Interpretaziora 4 eta 10 urte bitarteko umeekin etortzeko proposamen dibertigarri bezain hezigarria da “Hostopostoak”. Ekimenaren helburua euskaraz eta familian jolastea da. Horretarako, mahai-jolas erraldoi batez baliatuko gara. Gauza berriak ikasi, jende berria ezagutu eta euskarara gehiago gerturatzeko aukera bikaina da hau.

Egutegia:
Hileko azken larunbatetan. Maiatzaren 29ean hasiko da eta urtea bukatu arte egingo da.
Nork parte har dezake?
4 eta 10 urte bitarteko umeak dituzten familia zein taldeek
Parte-hartzaile kopurua:
3 lagun gutxienez eta 6 gehienez*. Hiru umeko heldu batek egon beharko du. *Covid egoerak iraun artean
Ordutegia:
11:00 – 14:00
Txandak:
1. txanda: 11:00 – 12:00
2. txanda: 12:00 – 13:00
3. txanda: 13:00 – 14:00
Iraupena:
50 minutu
Prezioa:
Doan

Erreserbak:
944 028 081

Familiako jolas kooperatiboaren alde egin dugu, parte-hartzaile guztien irudimena eta ahalmen sortzailea sustatzen direlako. Familia zein taldearen harremanak hobetu, gozatu eta konplizitatea bultzatzea ditugu helburu. Finean, euskararen balioa, errespetua, entzutea, elkarrizketa, sormena eta irudimena landu nahi ditugu.

Enkarterriko Mankomunitatearen Euskara Zerbitzuak Goazen jolastera! programa antolatu du jarduera dibertigarriak egiteko familia giroan eta euskaraz. Sartu bere webgunean eta eman izena gustoko dituzun ekintzetan. Ekaineko eta iraileko ostiral eta larunbatetan ospatuko dira Mankomunitateko udalerri desberdinetan.

Informazio gehiago eta izena emateko.